Ғарыштық мониторинг мәліметтері бойынша бүгінде Қарағанды облысы аумағының 50 %-ын қар жауып тұр, деп хабарлайды El.kz ақпараттық агенттігі ТЖМ-не сілтеме жасап.
Самарқанд су қоймасынан 15 м3/сек ағынымен 15 м3/сек ағызу жалғасып жатыр.Ынтымақ су қоймасынан ағызу 16.5 м3/сек кезінде 8 м3/сек көлемінде жүргізіледі. Елді мекендерден 2 млн 247 мың м3 қар шығарылды.
139 шақырым дренаждық траншеялар кесіліп, 187 шақырым каналдар мен арықтар тазартылды. Сондай-ақ 4845 бірлік су өткізгіш құбырлар мен 463 көпірді тазалау аяқталды.
Бұқар-Жырау, Осакаров, Қарқаралы аудандарындағы 15 учаскеде облыстың өзендеріндегі мұзды қопсыту бойынша жалпы ауданы 6500 шаршы метрді құрайтын жарылыс жұмыстары жүргізілді.
Қарағанды облысы ТЖД қызметкерлері тұрақты негізде тұрғындармен ақпараттық-түсіндіру жұмыстарын жүргізуде. Профилактикалық рейдтер жүргізіліп, су басу қаупі бар жеке тұрғын үйлердің тұрғындарымен қауіпсіздік шараларын сақтау жөнінде түсіндірме жұмыстары жүргізіліп, жадынамалар таратылуда. Тұрғындармен барлығы 622 жиын өткізіліп, 30 мыңнан астам адам қамтылды. Тұрғындарға 25 мыңнан астам парақшалар табыс етілді.
Облыста жағдай тұрақты. Елді мекендерді су басып, жолдарды тасу тіркелген жоқ.
Су тасқынына қарсы жұмыстар жалғасуда және бақылауда