Қарағанды облысында өрт сөндірушілер құс фабрикасынан шыққан тілсіз жауды ауыздықтады, деп хабарлайды El.kz ақпарат агенттігі.
Төтенше оқиға Бұқар Жырау ауданына қарасты Ботақара ауылында құс фабрикасының аумағында нысанда орын алған. Белгілі болғандай мұнда шатыр өртенген.
Келген өрт сөндірушілер 1500 шаршы метр аумақтағы өртті тез арада жойды. Қабылданған шаралардың нәтижесінде, өрт ғимараттың ішіне таралмай, 8000-ға жуық тауық аман қалды. Өрттің тез таралуына қатты екпінді жел ықпал етті.
Зардап шеккендер жоқ, себебі анықталып жатыр, - деп жазылған ТЖМ хабарламасында.