Қарағанды облысында көмір өндіріліп қана қоймайды, өңірде шағын және орта бизнес те белсенді дамып келеді, деп хабарлайды El.kz ақпарат агенттігі.
Оrtcom.kz мәліметінше, әрбір екінші тұрғыны ШОБ саласында жұмыс істейді, ал облыстың өзі бизнесті жүргізу жеңілдігі бойынша республикада екінші орында тұр. Қарағанды облысы 2023 жылы тағы қандай нәтижелерге қол жеткізгені туралы ОКҚ жыл қорытындылары бойынша елдің облыстарымен бірлесіп іске қосқан жобаның кезекті материалында баяндаймыз.
Негізгі экономикалық көрсеткіштер өсті
Жаңғырту мен жергілікті қамтуға үміт арту – Қарағанды облысының өнеркәсіп саласы бүгінгі күннің талаптарын ескере отырып дамуда.
2023 жылы өңірдегі өнеркәсіпте арнайы кокс, тұрмыстық техника, әктас, гофрленген құбырлар, тазартылған селен, қағаз өнімдері, мыс концентраты және т.б. шығаратын 11 жаңа кәсіпорын пайдалануға берілді.