ҚР Мәдениет және ақпарат вице-министрі Қанат Ысқақов «Бір болайық», «QosLike» сынды бағдарламалардың көрсетілгеніне қарсы екенін мәлімдеді, деп хабарлайды El.kz ақпарат агенттігі.
Мен қарсымын, сол үшін де оны көрмеймін. Бағдарламаны ұнатпайтын адамдарға да қарамауға кеңес беремін. Егер оны көрмейтін болсаңыздар, рейтингі де төмен болады, - деді ол.
Вице-министрдің сөзінше, бүгінде аталған бағдарламаны қарайтын адам саны көптігіне орай, оның рейтінгі де жоғары болып отыр.
Сіздердің арқаларыңызда бағдарламада рейтинг жоғарылауда. Оған сәйкес, компанияның табысын өздеріңіз реттеп отырсыздар, - деді Қанат Ысқақов.
Вице-министрдің айтуынша, министрлік телеарналардың контентіне мониторинг жүргізіп отырады. Егер телеарна балағат сөздерді эфирге шығаратын болса, оған алдағы уақытты мұндай әрекетті қайталамауға қатысты ұсыныс жіберіледі. Оны ескеру, не ескермеу әр редакцияның құзырында.