АҚШ президенті Джо Байден президент сайлауында мерзімінен бұрын дауыс берді, деп хабарлайды El.kz ақпарат агенттігі.
БАҚ өкілдерінің айтуынша, дауыс берер алдында ол 40 минут бойы кезек күткен.
CBC News дерегінше, Байден өзінің демалыс күндерін өткізетін Делавэр штатындағы Уилмингтон маңында дауыс берген.
Ол өзгелерді де дауыс беруге шақырған.
АҚШ-тағы президент сайлауы 5 қараша күні өтеді. Қазір президенттікке екі үміткер таласуда: демократтар атынан Камала Харрис пен республикалықтар атынан Дональд Трамп.