Қазақстанда полиция өкілдері синагогалар мен Израильдің дипломатиялық нысандарына патрульдік маршруттарды жақындатты, деп хабарлайды El.kz ақпарат агенттігі.
Елшіліктер бұған дейін де әрдайым полицияның қорғауында болды. Барлық діни нысандар да ұзақ уақыттан бері ішкі істер органдарының бақылауында тұр, патрульдік маршруттарды осы нысандарға жақындаттық, қосымша Орталық жедел басқару орталықтарының камералары арқылы іргелес аумаққа видеомониторинг жүргізілуде, – деді ақпараттық саясат департаментінің бастығы Шыңғыс Алекешев kaztag.kz тілшісіне.
Айта кетейік, Иран Израиль аумағына шамамен 180 зымыран атқылады. Израиль премьер-министрі Биньямин Нетаньяху мәлімдеме жасап, міндетті түрде жауап болатынын алға тартты.