Серік Мұхамедиев Петропавл қаласының әкімі болып тағайындалды, деп хабарлайды El.kz ақпарат агенттігі.
Серік Мұхамедиев 1965 жылы туған. 2021 жылғы қазаннан бастап бүгінге дейін Солтүстік Қазақстан облысындағы Ғабит Мүсірепов атындағы аудан әкімі лауазымын атқарған.
Бұған дейін Талдықорған қаласының жаңа әкімі болып Ернат Базыл тағайындалғанын мәлімдегенбіз. Ал бұл қызметті 2022 жылдың наурыз айынан бастап атқарып келген Әсет Масабаев қызметінен босатылған болатын.