Павлодарда жоғалып кеткен 52 жастағы ер адамның мәйіті табылды

23 Ақпан, 18:12 520

Кісі өлтіру бабы бойынша қылмыстық іс қозғалды, деп хабарлайды El.kz ақпарат агенттігі pavlodarnews.kz-ке сілтеме жасап.

Облыстық полиция департаменті баспасөз қызметінің мәліметінше, тәртіп сақшылары іс-түзсіз жоғалған ер адамның мәйітін тапқан.

Кісі өлтіру бабы бойынша қылмыстық іс қозғалды. Қылмысқа қатысы бар адамды анықтау және ұстау бойынша жедел-іздестіру іс-шаралары жүргізілуде, – деді департамент.

Департамент оқиғаның мән-жайы мен себептері тергеу барысында анықталатын айтты.

Айта кетейік, 21 ақпан күні түс ауа 52 жастағы Асұлан Нұрмағамбетов ақ түсті Toyota Camry-50 көлігімен Жеңіс алаңы көшесіндегі үйінен жұмысқа шыққан. Бірақ ер адам үйіне оралмаған.

Перизат Саденова
Бөлісу: