Оқиға 17 маусымда сағат 23:00 шамасында болған, деп хабарлайды El.kz ақпараттық агенттігі.
Павлодар облыстық ТЖД баспасөз қызметінің мәліметінше, Усолка өзенінде демалу кезінде шомылуға арналмаған жерде 25 жастағы ер адам жоғалып кеткен.
Құтқарушылар 18 маусым күні сағат 10:00-ден бастап іздеу жұмыстарына кірісті. Экипажы бар құтқару қайығы іске қосылды. Сағат 12:20-да эхолоттың көмегімен денесі екі метр тереңдікте және жағадан 15 метр қашықтықта табылды, – делінген мәліметте.
Сүңгуірлер ер адамның денесін алып шығып, полицияға тапсырды.
Оқиға орнында екі техника, бес құтқарушы мен 102 қызмет қызметкерлері жұмыс істеді.