Үкімет баспасөз мәслихатында туризм және спорт министрі Ермек Маржықпаев еліміздің туын Oлимпиадада ұстайтын спортшыға қатысты сауалға жауап берді, деп хабарлайды El.kz ақпарат агенттігі.
Министр аталмыш мәселе әзірге әлі шешілмегенін айтты. Десе де, спортшылардың арасында үміткерлер барын атап өтті.
Жігіттердің арасында Асланбек Шымбергенов ту ұстауы мүмкін, қыз бала әлі таңдалмады. Лизенциялық күндер біткесін Париж Oлимпиадасының ашылу салтанатында туды қай спортшы ұстайтынын айтатын боламыз, – деді Ермек Маржықпаев.
Айта кетейік, бұған дейін Парижге спортшылардың жеке бапкерлерінің бару-бармауы жөнінде жаздық.