Париждегі Олимпиада ойындарында тапаншамен 25 метрге оқ атудан іріктеу өтті. Бұл сында қазақстандық спортшы Никита Чирюкин өнер көрсетті, деп хабарлайды El.kz ақпарат агенттігі.
Ел намысын қорғауға шыққан Қазақстан құрамасының мүшесі 583 ұпаймен 10-орын алды. Ал шешуші сынға алты спортшы ғана жолдама алады.
Еске салсақ, бұған дейін стенд атудан Қазақстан командасы үздіктерінің бірі Әсем Орынбай да Олимпиаданың іріктеу айналымын аяқтап, финалға өте алмаған болатын.