Мәжіліс депутаты Сейтжан Кенжеғұл елімізде параспортқа 4 есе аз қаржы бөлетінін айтты, деп хабарлайды El.kz ақпарат агенттігі.
Бұл туралы ол мәжілістің жалпы отырысынан кейінгі кулуарда мәлімдеді.
Параспортқа соңғы жылдары 4 млрд 200 млн теңге бөлді. Ал жалпы спортқа 16 млрд теңге бөлінген. Айырмашылық өте үлкен. Параспортшылар олимпиададан 41 медаль әкелдік, ал жалпы спорттан 80 медаль ғана әкелді. Біз (параспортшылар – ред.) 13 орынан 11 орынға көтерілдік. Жалпы спорт 7 орыннан 11 орынға түсіп кетті. Айырмашылықты өздеріңіз көріп тұрсыздар. Әрине, біз ренжідік. Сондықтан параспортқа көп көңіл бөлуін сұраймыз, - деді Сейтжан Кенжеғұл.
Бұған дейін мәжілістің жалпы отырысында депутат Нартай Сәрсенғалиев спорт саласындағы былықтарды ашып айтқан болатын.