Маңғыстау мемлекеттік тарихи-мәдени қорығының қызметкерлері Өзбекстанның шығармашылық делегациясын қарсы алды, деп хабарлайды El.kz ақпарат агенттігі.
Облыстық мәдениет, тілдерді дамыту және архив ісі басқармасының баспасөз қызметінің мәліметінше, шетелдік қонақтар «Ақтау - Түркі әлемінің мәдени астанасы» іс-шарасының салтанатты ашылу рәсіміне қатысады.
Делегация құрамындағы қолөнер шебері Санжар Исхаков халықаралық жоба түркітілдес мемлекеттер арасындағы ынтымақтастықты одан әрі дамытуға жағдай жасайтындығын атап өтті.
"Ақтау - Түркі әлемінің мәдени астанасы" іс-шарасы түркітілдес мемлекеттер арасындағы ынтымақтастықты одан әрі дамытуға жағдай жасайды. Мен Маңғыстау өңіріне алғаш рет келіп отырмын. Бізді құрметпен күтіп алған әріптестерімізге алғысымды білдіремін. Ақтаудағы халықаралық іс-шарада бауырлас елдер болып жоғары деңгейде өнер көрсетеміз деп есептеймін, - деді Санжар Исхаков.