Өскемендегі Металлургтер көшесінде көппәтерлі 2 қабатты үйдің екінші қабатындағы 3 бөлмелі пәтерде өрт шықты, деп хабарлайды El.kz ақпараттық агенттігі.
ҚР ТЖМ мәліметінше, 15 тұрғын пәтерлерінен өз бетінше шыққан.
Өрт сөндірушілер ауданы 5 шаршы метр өртті сөндірді. Жиһаз және жеке заттар жанған. Өрт сөндірушілер газ баллонын шығарып үлгерді. №7 өрт сөндіру бөлімінің жігіттері түтін мен жану өнімдері бөлетін улы заттан қорғайтын капюшон көмегімен көрші пәтерден әйел мен баласын құтқарды, - делінген мәліметте.
Өрттің алдын ала себебі – электр жабдықтарын монтаждау және пайдалану кезінде өрт қауіпсіздігі ережелерін сақтамау, электр жабдықтарының авариялық режимі.
Жалпы өртті сөндіруге жеке құрамнан 15 адам және 4 бірлік техника жұмылдырылды.