Қазақстан делегациясы Орталық Азия мен Еуропалық одақ арасындағы өзара байланыс бойынша конференцияға қатысты, деп хабарлайды El.kz
Қазақстан Республикасы Премьер-Министрінің орынбасары – Сыртқы істер министрі Мұхтар Тілеуберді Global Gateway Еуропалық одақ пен Орталық Азия арасындағы өзара байланыс жөніндегі Самарқанд конференциясының жұмысына қатысты.
Конференцияның мақсаты – 2021 жылғы 1 желтоқсанда іске қосылған Global Gateway еуропалық стратегиясына сәйкес тұрақты байланысқа қол жеткізу үшін ішкі және өңіраралық диалогты дамыту, сондай-ақ Орталық Азия бойынша Team Europe ынтымақтастық бастамаларын таныстыру.
Іс-шара барысында делегациялар көлік бағыттарын әртараптандыру, цифрландыру, сондай-ақ жасыл энергетикалық даму салаларындағы өзара іс-қимылдың өзекті мәселелерін талқылады.