Оралда XXXIII маусым аясында Қазақстан Республикасы чемпионатының ерлер арасындағы Ұлттық лигасының финалдық кезеңі аяқталды, деп хабарлайды El.kz ақпарат агенттігі.
Финалдық кездесуде “ЖАЙЫҚ” волейбол клубы шешуші ойында Ақтөбе командасын 3:1 есебімен жеңіп, Ұлттық лиганың чемпионы атанды. Осылайша, “Ақтөбе” (Ақтөбе облысы) екінші орынға ие болса, “Атырау” (Атырау облысы) үшінші орынға жайғасты.
“ЖАЙЫҚ” өз тарихында араға 27 жыл салып чемпиондық атағын қайта жаңғыртты. Бұған дейін 1998 жылы “Жайық-Конденсат” командасы ел чемпионы атанған болатын.