Оралдық кәсіпкерді пышақтап өлтіргендерге қатысты тың деректер пайда болды, деп хабарлайды El.kz ақпарат агенттігі.
БҚО сотының қылмыстық істер жөніндегі апелляциялық сот алқасында сотталушы Тұрлан Амангелдінің шағымы қаралған.
Еске салайық, оралдық кәсіпкер Еркін Мұханғалиевті өлтірген Руслан Қожантаев пен Тұрлан Амангелді 15 жылға бас бостандығынан айыру жазасы кесілді. Олар жазасын қауіпсіздігі барынша жоғары қылмыстық-атқару жүйесі мекемесінде өтейтіні белгілі болды.
БҚО сотының баспасөз қызметінен мәлім еткеніндей, апелляциялық сатыдағы сот шағымды қарап, үкімді өзгеріссіз қалған. Тек жазаларын қауіпсіздігі орта қылмыстық-атқару жүйесі мекемесінде өтеуге өзгертілді.