Биыл жазда Оңтүстік Кореядағы аптап ыстықтан қаза тапқандар саны 23-ке жетті, деп хабарлайды El.kz ақпарат агенттігі.
Yonhap ақпарат агенттігінің хабарлауынша, республиканың кейбір аудандарында температура 38 градустан асты.
Оқи отырыңыз:
20 мамыр мен шілде айының соңы аралығында ыстықтан 21 адам қайтыс болды. Ал, бірінші тамызда тағы екі жағдай тіркелді , - деп мәлімдеді Төтенше жағдайлар қызметі.
Айта кетейік, аптап ыстықтан қаза тапқандар өткен жылмен салыстырғанда 3 есеге көбейген. Оған қоса, биыл ауа-райы салдарынан 400 адам дәрігердің көмегіне жүгінген.