Мьянмадағы жер сілкінісінен қаза тапқандар саны 3,5 мыңнан асты. Бұл туралы Қытайдың орталық телевидениесіне сілтеме жасай отырып El.kz ақпарат агенттігі хабарлайды.
Соңғы ресми мәліметтерге сәйкес, табиғи апат салдарынан 5012 адам зардап шеккен, ал 3564 адамды құтқару мүмкін болмаған. Тағы 210 адам хабар-ошарсыз кеткендер қатарында.
28 наурыз күні Мьянма аумағында бірқатар жойқын жер сілкінісі тіркеліп, салдарынан үйлер, жолдар мен инфрақұрылым нысандары қираған. Сонымен қатар, жер асты дүмпулерінен жер қабатында жарықтар пайда болған.