Вице-премьер Серік Жұманғарин мұнайдан түскен табыстың қайда жұмсалып жатқаны туралы сауалға жауап берді, деп хабарлайды El.kz ақпарат агенттігі.
Жұманғариннің сөзінше, қара алтыннан түскен табыстың басым бөлігі Ұлттық қорға бағытталады. Ал ақшаның нақты қайда кетіп жатқаны туралы ақпаратты Ұлттық банктің сайтынан білуге болатынын қоса кетті.
Мұнайдан түскен табыстың басым бөлігі Ұлттық қорға бағытталады. Ал қордағы қаражат қайда жұмсалады дегенге келсек, оның бір бағыты балаларға бөлінеді. Өздеріңіз білетіндей, бізде «Ұлттық қор – балаларға» атты жоба бар. Одан бөлек те бағыттары бар. Мәліметтің бәрі ашық, оны Ұлттық банк сайтынан көре аласыздар, - деді вице-премьер.