Елордада мүгедектер мен мүмкіндігі шектеулі жандар да дауыс беруге белсенді қатысып жатыр, деп хабарлайды El.kz ақпараттық агенттігі.
Бірінші топта мүгедегі бар Әлия Қайырбекова өз дауысын учаскеге келіп берді. Дауыс беру үшін арнайы көмек ретінде мүгедек жандарға тасымалдау көлігі қарастырылған.
Әр сайлауға міндетті түрде қатысамын. Бұл менің борышым деп білемін. Биылғы сайлаудан күтетін үмітім зор. Сондықтан жаңа бастамалар мен сенімді, адал басшылардың келетініне сенемін. Бұған дейінгі сайлауларда үйге комиссия өкілдері келіп, дауысымды алып кететін. Осы жолы сайлауда жаңалық болған соң өзім келуді қаладым. Ол үшін арнайы көлік қарастырып берді. Ол үшін де алғысымды білдіремін,- деді елорда тұрғыны.
Әлия Қайырбекова 30 жылдан бері көз жанарының нашар көретіндігіне байланысты бірінші топ мүгедегі ретінде тіркелген.