«Қазсушар» РМК Жамбыл филиалы Қырғыз Республикасы Су ресурстары қызметінің басшысы Алмазбек Сокеев айтқан пікірге түсінік берді. Бұған дейін қырғыз тарапы қоймадағы судың мөлшері аз екенін айтқан болатын, деп хабарлайды El.kz ақпарат агенттігі.
«Қазсушар» РМК Талас өзенінің суының аздығынан, сондай-ақ қалыптан тыс ыстық және құрғақ ауа райына байланысты Қазақстанға Киров су қоймасынан вегетациялық кезеңнің шыңына су ағызу жеткіліксіз болғанын хабарлайды. Осыған байланысты Қазақстанға су қоймасынан 1 тамызға дейін 45 м3/сек шығынмен сұранысты қолдау туралы шешім қабылданды, бұл ретте Талас бөгетіне тек 30 м3/сек түсті.
Осы шаралар және осындай шығын кезінде Байзақ, Жамбыл және Талас аудандарында шамамен 26 мың га алқапта егінді сақтауға мүмкіндік берді. Қазіргі уақытта суару «Қазсушар» РМК Жамбыл филиалы Қырғызстан аумағында тікелей мемлекеттік шекара бойында жүргізетін дренажды тазарту есебінен жүзеге асырылады. Бұл шаралар егін шығынын барынша азайтуға мүмкіндік берді және қазіргі уақытта су айналымы әдісімен қолда бар шығын аталған аудандарға беріледі, - делінген министрлік хабарламасында.
Жалпы, Талас өзеніне ілінген алқаптардың су тапшылығынан келтірілген залал шамамен 560 га құрайды (шамамен 26 мың га алаңға шарт жасалды, яғни егін алқабының 99% - ға жуығы сақталды). Бұл шаралар жасалуы қажет болды және тәжірибе көрсеткендей, қабылданған шаралар ақталды.
Дәл осындай тәжірибе 2021 жылы да жүргізілді, содан кейін қырғыз тарапы тірі ағынға су беру жөніндегі өз міндеттемелерін орындады және Қазақстан егіні айтарлықтай шығынынсыз шықты. Биылғы жылы су қоймасына су түсімі ұлғайған кезде Қазақстанға су ағызу ұлғайтылады немесе тірі ағынмен жұмыс істейтін болады деген келісім жасалды, - деп түсіндірді министрлік.