Энергетика министрі Алмасадам Сәтқалиев министрлік пен Қашаған консорциумы арасында талас тудыратын мәселелердің бар екенін растады, деп хабарлайды El.kz ақпарат агенттігі.
Министрлік пен консорциум арасындағы талас – экологияға зиян келтірумен байланысты емес, коммерциялық келіспеушілік. Мердігерлердің өнімді бөлу және шығындар туралы келісімшарттағы міндеттемелерін орындауына қатысты дау туындады. Іс жүріп жатыр. Алдын ала нәтижелер белгілі болса, хабарлайтын боламыз, - деді министр.
Сондай-ақ ол Экология және табиғи ресурстар министрлігімен компания арасында өндіріс ошағындағы экологиялық ережелерді сақтамауға байланысты сот шешімі шыққанын да айтты.