"ӨКМ Операторының" басшылары аса ірі мөлшерде ұрлық жасағаны үшін сотталды, деп хабарлайды El.kz ақпарат агенттігі.
Мемлекеттік органның мәліметінше, Астана қаласының қылмыстық істер жөніндегі ауданаралық соты ӨКМ-нің үш басшысы 2016 жылдан бастап экологияның бұрынғы вице-министрі Ахметжан Пірімқұловтың (бұрынғы Экологиялық реттеу және бақылау комитетінің төрағасы) қолдауымен бірнеше рет аса ірі мөлшерде бюджет қаражатын ұрлағанын анықтады.
Сонымен қатар, Экология вице-министрі өз өкілеттіктерін асыра пайдаланып, кабельдік өнімдерді өндірушілер мен импорттаушылардың кеңейтілген міндеттемелерін енгізген заңсыз бұйрыққа қол қойды.
Салдарынан 325 млн теңгеден астам залал келтірілген.
Оқи отырыңыз:
«Оператор РОП» директорының өліміне қатысты тың деректер айтылды
Осы кезеңде "ӨКМ Операторы" басшылары бұрынғы вице-министрдің көмегімен компанияның шотындағы 180 млрд теңгені ұрламақ болған. Айыпталушылар Қазақстан аумағында алты қоқыс өртейтін зауыт салу кезінде ұрлық жасауды жоспарлаған.
Сондай-ақ, екі басшының (біреуіне іздеу жарияланған) 920 млн теңге бюджет қаражатын жымқырғаны анықталды.
Светлана Коротенко мер Медет Құмарғалиев 7 жылға сотталды.
Ахметжан Пірімқұлов мемлекеттік қызметте және квазимемлекеттік секторда қызмет атқару құқығынан өмір бойына айырылып, 7 жылға бас бостандығынан айырылды.
Рустем Темірбек 2 жылға сотталды. Рақымшылыққа байланысты бұл мерзім екі есе қысқартылды.