Месси — Роналду: 100 голға кім бірінші жетеді?

93-95

Әлемнің ең үздік шабуылшылары саналатын Криштино Роналду мен Лионель Мессидің арасындағы текетірес қыза түсті. 2014/2015-ші жылғы Чемпиондар лигасында екі спортшы да 77 голдан соғып, әйгілі Рауль Гонсалестің рекордын жаңартқан болатын.

2015/2016 жылғы Чемпиондар лигасында португалдық сұрмерген Роналду 16 гол соғып алға ұзап кеткен болатын. Алайда биылғы жарыста Лионель Месси екі рет «Hat-trick»  жасап (бір матчта үш гол соғып), қарсыласына жақындай түсті. Есеп: Роналдуда 95, ал Мессидің қанжығасында 93 гол.

Ал өз кезегінде UEFA сайты мынадай қызықты мәліметтерді келтіреді:  

1. Месси гол соққан кезде оның командасы үш-ақ рет жеңілген.
2. Роналду 25 ойында екі немесе одан көп гол соққан.
3. Месси жеті рет, ал Роналду бес «Hat-trick»  жасаған.
4. Роналду тек отызыншы ойынында ғана гол салған.
5. Екеуі де екі финалда, екі-екі голдан салған.

Сонымен, 100 голға кім бірінші жетеді? Мұны әрине уақыт көрсетеді. Дегенмен, осы жылғы жарыста Месси 10 гол соғып, топ бастап тұр. Біз бір нәрсені анық айта аламыз: екі спортшының өзара бесекелестігі оларды бүгінгінің ғана емес, жалпы футбол тарихының ең үздік футболшылар қатарына кіргізді.  

Алмас САУДАНБАЙ