ДДҰ маймыл шешегіне қарсы алғашқы вакцинаны мақұлдады, деп хабарлайды El.kz ақпарат агенттігі.
Bavarian Nordic A/S өндірушісінің MVA-BN вакцинасы Дүниежүзілік денсаулық сақтау ұйымының алдын ала біліктілігінен өтіп, маймыл шешегіне қарсы алғашқы препарат ретінде тіркелді.
ДДҰ мәліметінше, MVA-BN екпесі 18 жастан асқан адамдарға араға төрт апта сала отырып екі рет егіледі. ДДҰ MVA-BN бір реттік дозасы маймыл шешегінен қорғауда 76 пайыз тиімді, ал екі дозасы 82 пайыз тиімді деп бағалаған.
Соңғы деректер бойынша, Африкада маймыл шешегіне шалдыққандар саны 22,8 мыңға жетті.