Абай облысының құтқарушылары жабылып қалған есікті ашып берді, деп хабарлайды El.kz ақпарат агенттігі.
Өңірге қарасты Курчатов қаласының Олимпийск көшесі бойындағы көп пәтерлі тұрғын үйлердің бірінде пәтердің кіреберіс есігі жабылып, 6 жастағы бала пәтерде қалып қойған. Осыдан кейін баланың әкесі есікті өз бетінше аша алмай, құтқарушылардан көмек сұрады.
Құтқарушылар үш иінді сатыныңы көмегімен үшінші қабаттың терезесі арқылы пәтерге кіріп арнайы құралдардың көмегімен есікті ашып, баланы әкесіне тапсырды, - деп жазылған ТЖМ таратқан ақпаратта.