26 Қазан 2016, 10:03
200-ден астам кітапты сеулдік кітапханашыларға олардың астаналық әріптестері сыйға тартты. Бұл қазақ, ағылшын және орыс тілдеріндегі шығармалар. Олардың ішінде белгілі қазақстандық жазушылардың және саясаткерлердің туындылары бар.
Шара – Қазақстан Республикасы тәуелсіздігінің 25 жылдығына арналып отыр. Ал оңтүстіккореялық кітаптар бөлмесі Астанадағы ұлттық кітапханада 2009 жылы ашылған. Қазір Кореяның ұлттық кітапханасында он миллионнан астам кітап бар, бірақ тек 6 мемлекеттің ғана жеке бұрышы бар. Олар Қазақстан, Сингапур, АҚШ, Түркия, Тунис және Иран.
«Мұндағы мақсат – қазақстандық көрнекті жазушылардың шығармашылығын насихаттау. Сонымен қатар осы елдегі оқырмандарды еліміздің тарихымен, мәдениетімен, бай салт дәстүрімен таныстыру және ұлтаралық татулығымызды, дамыған жаңа Қазақстанды әлемге паш ету», - дейді ҚР Ұлттық академиялық кітапханасындағы шетел әдебиеті орталығының қызметкері Рысжан Айтбай.