Ақтөбе облысында мал іздеуге шығып, далада қалған ер адам құтқарылды, деп хабарлайды El.kz ақпарат агенттігі.
Ауыл тұрғыны құтқарушылардан көмек сұрап өзі хабарласқан. Айтуынша, таңертең жоғалған малын іздеуге шыққан. Бірақ қарда жүретін көлігі кенеттен бұзылып, далада қалған.
Құтқару операциясы Әйтеке би ауданында жүргізілді. ТЖМ қызметкерлері жол талғамайтын Трэкол көлігімен іздестіруге шығып, Жүргенов ауылынан 30 шақырым қашықтықта 1991 жылы туған ер адамды тапқан. Мамандар ауыл тұрғынын елдімекенге жеткізген. Оған медициналық көмек қажет болмаған.