«Қазгидромет» синоптиктері 15 қарашаға арналған ауа райы болжамын жариялады, деп хабарлайды El.kz ақпарат агенттігі.
Бүгін еліміздің бірнеше бөлігінде қар жауады.
Еліміздің батысында, оңтүстік-батысында жаңбыр мен қар түрінде жауын-шашын болады. Тек елдің оңтүстігінде, оңтүстік-шығысында антициклон сілемінің әсерінен жауын-шашынсыз ауа райы күтіледі, - делінген ақпаратта.
Синоптиктердің болжамынша, республика бойынша желдің күшеюі, солтүстік-батысында, солтүстігінде, шығысында бұрқасынмен, солтүстік-батысында, оңтүстігінде, оңтүстік-шығысында тұман, батысында, елдің солтүстік-батысында көктайғақ күтіледі.