Көкшетауда ескі зират аумағында пакетке салынған адамның сүйектері табылды, деп хабарлайды El.kz ақпарат агенттігі сілтеме Қазақпаратқа сілтеме жасап.
Ведомствоның мәліметіне сәйкес, сәуірдің 24 күні Көкшетау қалалық полиция басқармасына облыс орталығының тұрғыны хабарласып, «Бармашино» шағын ауданындағы аллея маңы ескі зират аумағында адамның сүйектері және бас сүйегінің сынықтары салынған пакет табылғанын хабарлады. Тұрғындар пакетті зират аумағын тазарту кезінде көрген.
«Шақырту орнына жедел-тергеу тобы барды. Тексеру кезінде сүйек қалдықтары табылды. Сот-медициналық сараптама тағайындалды, соның қорытындысы бойынша түпкілікті процессуалдық шешім қабылданады», - деді ведомствоның баспасөз қызметі.