"Ақмола – есірткісіз өңір" автошеруіне 30-дан астам автокөлік пен 20 мотоцикл қатысты, деп хабарлайды El.kz ақпарат агенттігі.
Қатысушылар Бұқпа шоқысының етегінен бастап, патрульдік полиция экипаждарының сүйемелдеуімен Көкшетаудың басты көшелерімен жүріп өтті.
Акцияның шарықтау шегі "Ақмола – есірткісіз өңір" логотипі бар жалауды шаңғы жарысы бойынша спорт шеберлеріне, Әлем кубогы кезеңдерінің қатысушылары Арлан Гимаев пен Аружан Сабироваға табыстау рәсімімен аяқталды. Содан кейін флешмобқа қатысушылар символдық әрекеттер жасады: психоактивті заттарды қолдануға және олардың қоғамға теріс әсеріне наразылық білдіру үшін, есірткі мен шприц бейнеленген плакаттарды жойды.
Облыстық ПД есірткіге қарсы челлендж облыстың барлық ауданында ұйымдастырылатынын атап өтті.