Бүгін "Шымбұлақ-Мыңжылқы" автожолы учаскесінің қауіпсіздігін қамтамасыз ету мақсатында ТЖМ "Қазселденқорғау" мамандары Кіші Алматы өзені бассейнінде көшкінді профилактикалық түсіру жұмыстарын жүргізді, деп хабарлайды El.kz ақпарат агенттігі.
ТЖМ мәліметінше, жарылыс жұмыстарының нәтижесінде 60 000 м³ қар массасының бақылаулы түсуі орын алды. Зардап шеккендер мен қираулар жоқ.
Қар көшкіні автожолды жауып тастаған. "Қазселденқорғау" АГЭТУ күшімен арнайы техниканың көмегімен тазалау жұмыстары жүргізілуде. Бұл жұмыстарға құрамында 27 адам, 11 техника және 2 кинологиялық есептобы бар Қазақстан ТЖМ барлық қызметтері мен ТЖМ "Қазавиақұтқару" тікұшағы жұмылдырылды.