Халықаралық темекіден бас тарту күніне арналған акция өтті

20 – қараша Халықаралық темекіден бас тарту күні. Осы айтулы дата қарсаңында Тараз мемлекеттік педагогикалық институтында флешмоб акция өтті

20 – қараша Халықаралық темекіден бас тарту күні. Осы айтулы дата қарсаңында Тараз мемлекеттік педагогикалық институтында флешмоб акция өтті. Шараның мақсаты – жастар арасында темекіге тәуелділікті төмендету, темекі шегумен күреске барлық студенттерді тарту, темекі шегудің алдын алу және темекінің адам денсаулығына зияны туралы студенттерді хабардар ету.

Оқу ордасының бас алаңына жиналған студенттер қоғамның дертіне айналған жаман әдеттен үндеуге шақырып, өнер көрсетті. Салауатты өмір салтын ұстануға үндейтін би қимылдарын жұртшылық назарына ұсынды. Жиналғандар алдында институт ректорының тәрбие жұмысы және әлеуметтік мәселелер жөніндегі проректоры Орынқыз Жолдасова сөз сөйлеп, темекінің зияндығы турасында айтып өтті.

«Темекіден бас тарту күнінің мақсаты - темекіге тәуелділікті төмендету, темегі шегумен күреске барлық адамдарды тарту, темекі шегудің алдын алу және темекінің адам денсаулығына зияны туралы қоғамды хабардар ету болып табылады» деді өз сөзінде О.Көпбосынқызы. Шара барысында студенттер азаматтарға темекінің зияндығы туралы ақпараттық парақшалар мен конфет, алма таратты.

КЕРЕК ДЕРЕК. Темекіден бас тарту күнін 1977 жылы Америка онкологиялық қоғамы бекіткен. Бұл күн қараша айының төртінші бейсенбісінде көптеген елдерде аталып өтеді. Дүниежүзілік денсаулық сақтау ұйымының мәліметтері бойынша әлемде өкпе қатерлі ісігінен қайтыс болғандардың – 90 пайызы, созылмалы қолқа дертінен көз жұмғандардың – 75 пайызы және жүректің ишемиялық ауруынан қайтыс болғандардың 25 пайызы темекі шегудің салдарынан. Әлемде әрбір 10 секунд сайын бір шылымқор көз жұмады екен. 2020 жылға дейін бұл көрсеткіш әр 3 секунд сайын бір адамға жетуі мүмкін. 

Тараз мемлекеттік педагогикалық институт (ТарМПИ) баспасөз қызметі