Іс-шараны Қазақстан, Әзербайжан, Ауғанстан, Иран, Үндістан, Түркия елдердің ұлттық диаспоралары бірлесіп ұйымдастырды, деп хабарлайды El.kz ақпараттық агенттігі Сыртқы істер министрлігіне сілтеме жасап.
Қатысушылардың жалпы саны 600-ден асты.
Парламентаралық топтың мүшесі – Канада Парламентінің депутаты Чандра Арья Наурыз 5 мың жылдан астам ежелгі тарихы бар мереке екенін атап өтті. Оның айтуынша, жыл сайын Канадада бұл мереке кеңірек тойланып, Наурызға қызығушылық өсуде.
Канададағы шетелдік дипломатиялық корпус атынан сөйлеген сөзінде Қазақстан Елшісі Ақылбек Камалдинов Наурыз көктемнің дәстүрлі мерекесі ретінде шығыс күнтізбесі бойынша табиғаттың жаңғыруы, жаңару және жаңа жылдың басталуы идеясын бейнелейтінін атап өтті.
Сондай-ақ, ол Наурыз мейрамы жақсылықтың, берекенің, бақыт пен достықтың нышаны, дүние жүзіндегі көптеген халықтарға ортақ мереке екенін атап өтті.