Мемлекеттік «Іле-Алатау» ұлттық табиғи паркінде қар барысы тағы да фототұзаққа ілінді, деп хабарлайды El.kz ақпарат агенттігі.
Видео парктің әлеуметтік желедіге парақшасында жарияланды.
Сирек кездесетін қар барысы қайтадан фототұзаққа түсіп, жабайы табиғаттың ерекше сұлулығын көрсетті. Бұл кадрлар 7-13 ақпан аралығында түсірілген.
Ғылыми инспекторлардың маңызды еңбегін атап өткен жөн, олар тәулік бойы парктің аумағын бақылап, биоалуантүрлілікті сақтау бойынша зерттеулер жүргізеді. Олардың қажырлы еңбегі мен табандылығының арқасында фототұзақтар дұрыс жерлерге орнатылып, осындай әсерлі нәтижелерге қол жеткізілді, - делінген мәліметте.