Шайбалы хоккейден 2024 жылғы әлем чемпионаты элиталық дивизионындағы Қазақстан құрамасы кіммен бақ сынасатыны белгілі болды, деп хабарлайды El.kz ақпарат агенттігі.
Дүбірлі дода 2024 жылдың 10-26 мамыр аралығында Чехияның Прага және Острава қалаларында өткізіледі.
Қазақстандық хоккейшілер А тобында сынға түседі. Қарсыластары - Канада, Германия, Швеция, Словакия, Латвия, Франция және Польша. Ойындар Острава қаласында өтеді деп күтілуде.
Ал Прага қаласында В тобында Финляндия, АҚШ, Швейцария, Чехия, Дания, Норвегия, Австрия және Ұлыбритания құрамалары сынға түседі.