Танымал Telegram чаттарында Google іздеу жүйесі жақын арада пандемия, глобалистер, ірі фармацевтикалық компаниялар және біртұтас әлемдік үкімет туралы сұраныстар бойынша индекстеуді және нәтижелер көрсетуді тоқтатады деп жазылуда. Stopfake.kz сайты мұны жоққа шығарды, деп хабарлайды El.kz ақпарат агенттігі.
Пайдаланушылардың айтуынша, мұндай «цензураны» енгізу туралы шешім Дүниежүзілік экономикалық форумның, Дүниежүзілік денсаулық сақтау ұйымының және БҰҰ-ның ұсынысымен қабылданды.
Жоғарыда аталған ұйымдар да, Google компаниясы да Желіге цензура енгізуді жоспарлап отырғанына ешқандай дәлел жоқ.
2020 жылдың басында Google компания қызметтері қастандық теориялары бар парақшаларға апаратын жарнамаларды көрсетуді тоқтататынын жариялаған болатын.
Сонымен қатар, Google іздеу нәтижелерінен спам, хакерлік контенті көп сайттарды, фишинг пен әлеуметтік инженерияға байланысты күдікті ресурстарды және т.б. жасыра алады.
Google-ден «глобалистер», «ірі фармацевтикалық компаниялар» және «әлемдік үкімет» сауалдары арқылы сайттарды қиындықсыз табуға болады.
Дүниежүзілік экономикалық форум ешқашан желіде немесе басқа жерде цензураға шақыру жариялаған емес.
Ұйымның сайтында Ұлыбританияның онлайн-қауіпсіздік туралы заң жобасы туралы жарияланым бар, бірақ бұл жеке елде жүзеге асырылатын ДЭФ бастамасы емес, тек танысуға ұсынылған ақпарат қана. Сонымен қатар, заң жобасында цензура қарастырылмаған, тек заңсыз және қауіпті болуы ықтимал контенттің кейбір түрлері шектеледі.
2022 жылдың наурыз айында Желіде ДЭФ негізін қалаушы Клаус Швабтың жалған ақпараттың көп болуына байланысты Интернетті реформалау қажеттілігі туралы айтқаны туралы ақпарат тараған. Фактчекерлер Шваб мұндай мәлімдеме жасаған жоқ деген қорытындыға келді, демек таралған ақпарат жалған, - делінген мәліметте.
ДДСҰ мен БҰҰ сайттарында онлайн режимде цензуран енгізуге үндулер жоқ.
Олай болса, Google жақын арада Желіде цензура енгізетініне ешқандай дәлел жоқ. Мұның бәрі әшкереленген фейктер мен бұрмаланған ақпаратқа негізделген дәлелденбеген мәлімдемелер.