Футболдан Қазақстан әйелдер құрамасы жаңартылған рейтингте екі сатыға жоғарылады, деп хабарлайды El.kz ақпарат агенттігі.
Халықаралық футбол федерациясының ресми сайты әйелдер құрамасының жаңартылған рейтингін жариялаған болатын.
Олар бұдан бұрын 101-орында тұрған еді.
Енді 99-орынға көтеріліп, 1205.62 ұпайды еншіледі.
Бұл көрсеткіші бойынша рейтингте Эстония(98-орын, 1211.02 ұпай) және Фарер аралдары (100-орын, 1201.16 ұпай) қатар тұр.
Рейтингтің көш басында АҚШ әйелдер құрамасының еншісінде 2090.03 ұпай бар.