Абай облысындағы Ертіс өзенінің су деңгейі көтерілді, деп хабарлайды El.kz ақпарат агенттігі Qazaqstan.tv-ге сілтеме жасап.
Қазіргі уақытта Ертіс өзенінің су деңгейі - 457 см.
Абай облысы әкімдігінің мәліметінше, Семейдегі Бейбітшілік аралынан 11 адам, оның ішінде 3 бала қауіпсіз жерге көшірілген. Сондай-ақ эвакуацияланған адамдар ыстық тамақпен қамтамасыз етілді.
Қазіргі уақытта тұрғын үйлерді су басу қаупі жоқ. Мамандар әр 2 сағат сайын су деңгейін өлшеуге мониторинг жүргізеді.