Астананың Орталық саябағында Халықаралық қарттар күні қарсаңында мерекелік концерт өткізілді, деп хабарлайды El.kz ақпарат агенттігі.
Елорда әкімдігінің мәліметінше, Орталық саябақ қонақтарын №5573 әскери бөлімінің әскери оркестрі өз өнерімен қуантты. Үрмелі және ұрмалы аспаптардың орындауындағы патриоттық және халық әндерінің әуендері, әсіресе көңіл-күйді көтеріп, қатысушыларды қуантты. «Парасат» ансамблі де өз композицияларын ұсынды. Шығармашылық ұжымды 2018 жылы Үркер тұрғын алабының қарт тұрғындары құрған болатын.
Біздің ансамбльде ең жас қатысушы 60 жаста, ең үлкені 80 жастан асқан. Мен өзім 70 жастамын. Біз үшін бұл жай ғана қойылым емес, бұл жас шығармашылық пен қуанышқа кедергі емес екенін көрсету мүмкіндігі. Біз қала тұрғындарына өз өнерімізді көрсеткенімізге қуаныштымыз, - деп атап өтті «Парасат» ансамблінің мүшесі Роза Елюбаева.
Бағдарламаны «Үркер» аула клубының жас таланттары да қыздыра түсті.
Сонымен қатар Халықаралық қарттар күніне орай елордада қайырымдылық акциялары ұйымдастырылады: басқарушы компаниялармен бірлесіп тұрғын үй кешендерінің аулаларында шай кештері өтеді, ал мұқтаж зейнеткерлерге азық-түлік көмегі беріледі.