28 қазаннан бастап маршруттық желіге қызмет көрсету сапасын жақсарту мақсатында, сондай-ақ жаңа автобустарды сатып алу аясында елордада №27 жаңа маршрут іске қосылады, деп хабарлайды El.kz ақпарат агенттігі.
Жаңа бағыт «Материалдық-техникалық қамтамасыз ету басқармасы» - «Бағыстан» тұрғын үй кешені» қатынасымен жүретін болады.
Бағдар «Қорғалжын кварталы» ТК, Е-128, Әйтеке би және Әнет баба, Қ. Мұхамедханов көшесіне көліктік қызмет көрсетуді жақсартады. Сығанақ көшесімен жүретін және «Шығыс» ТК, «Sat City» ТК тұрғын үй кешендеріне қызмет көрсетуді жүзеге асыратын №№ 29, 29А, 49, 61 бағдарларының жүктемесін азайтуға ықпал етеді, - делінген Астана қаласы әкімдігі жариялаған ақпаратта.
Бұдан басқа, Орынбор, Түркістан, Ф. Оңғарсынова, Е-117 көшелері, Ботаникалық бақ, Ұлы Дала даңғылы, «Венский Квартал», «Besterek», «Jetisu.Aqsu» және «Бағыстан» тұрғын үй кешендеріне көліктік қызмет көрсетуді жақсартуға мүмкіндік береді.