Елордада «Таза Қазақстан. Астана – тазалық пен тәртіптің үлгісі» экоакция аясында жаңадан «Таза Астана» әлеуметтік жобасы іске қосылды, деп хабарлайды El.kz ақпарат агенттігі.
Астана әкімдігінің мәліметінше, жобаны іске асыру аясында қала тұрғындарына қалаға деген көзқарасты тұтынушының көзімен ғана емес, сонымен қатар қалалық ортаны орынды пайдаланушы ретінде де дамыту мәселесі түсіндіріледі.
«Таза Астана» жобасы аясында қатысушылар үйлердің тізілімдерін қалыптастырды, олардың әрқайсысына басқару органы (МИБ/УК/ПИК/ЖШС) қызмет көрсетеді, аулалардың ішінде олардың жалданған сервистік ұйымдары немесе аудан әкімдіктерінен мердігерлік ұйымдар жұмыс істейді. Әр аумаққа учаске шеберлері немесе диспетчерлер бекітіледі, - делінген мәліметте.
Жоба аясында арнайы құрылған экологиялық комиссия тоқсан сайын «Ең таза аула», «Ең үздік кәсіпорын», «Ең үздік мекеме» атақтарын белгілейді.
Комиссияға Астана қоғамдық кеңесінің өкілдері, аудандық мәслихат депутаттары, «Атамекен» ӨКП салалық кеңестерінің, салалық қауымдастықтардың, мүгедектер, ардагерлер қоғамдарының бірлестіктерінің өкілдері, экологтар және т.б. кіреді.
Учаскелердің қызмет көрсететін аумақтары бойынша қолда бар барлық ақпарат қолданыстағы birge.astana.kz платформасында тестілік режимде тамыз айының соңында жария түрде қолжетімді болады.
Кейін екінші кезеңде ортақ аумақтарды тазалау және санитарлық тазалау бойынша жүйелі тәсілдерді тұрақты негізде анықтау үшін «Таза Астана» бірыңғай платформасы құрылады.
Естеріңізге сала кетейік, Астанада «Таза Қазақстан. Астана – тазалық пен тәртіптің үлгісі» экоакциясы өтіп жатыр, ол сәуір айынан басталды. Оған қала тұрғындары, еңбек ұжымдары, мемлекеттік органдардың қызметкерлері, шағын және орта бизнес субъектілері (базарлар, сауда-ойын-сауық орталықтары, кафелер, мейрамханалар және т.б.), еріктілер, оқушылар мен студенттер, МИБ (ПИК) қатысады.
Экоакция шеңберінде қалада қаланы, нөсер және арық кәріз желілерін санитарлық тазалау, көшелерді, тротуарларды, кварталішілік аумақтарды, қоғамдық кеңістіктер мен аулаларды тазалау жүргізілуде.
Сондай-ақ, ағаштарды күтіп-баптау және көшет отырғызу бойынша маусымдық агротехникалық жұмыстар, сауда объектілеріне іргелес аумақтарды жинау, көгалдар мен гүлзарларды орнату бойынша іс-шаралар, рұқсат етілмеген полигондарды жою жүріп жатыр.