Елордалық құтқарушылар қар құрсауынан 2 жедел жәрдем көлігін шығарып алды, деп хабарлайды El.kz ақпарат агенттігі.
ТЖМ-нің баспасөз қызметі түнде 2 астаналық жедел жәрдем көліктері қарға терең батып, қар құрсауынан өздігінен шыға алмағаны туралы ақпарат таратты.
Құтқарушылардың үйлесімді және жедел іс-қимылдарының арқасында көлік аз уақытта қар құрсауынан босатылды. Медицина қызметкерлері елордалық құтқарушыларға көрсеткен көмегі үшін алғыстарын білдірді, - деп жазылған министрлік таратқан мәліметте.
Бұл ретте ТЖМ қардың көптеп түсуіне және орын алған көктайғаққа байланысты ТЖМ жүргізушілерден жолдарда аса сақ болуды еске салады.