Денсаулық сақтау министрлігінің ұсынысы негізінде 2027 жылға дейін Астанада бірнеше медициналық ұйым салынады, деп хабарлайды El.kz ақпарат агенттігі.
Бұл туралы Ашық НҚА порталында жарияланған «2023-2027 жылдарға арналған елорданың денсаулық сақтау жүйесін дамытудың кешенді жоспарында» жазылған.
Құжатта жазылғандай, алдағы 4 жылда Астана аумағында мына медицина ұйымдарын салу жоспарланған:
- Интернациональный тұрғын алабында 150 келушіге арналған медициналық-санитариялық алғашқы көмек көрсететін объекті салынады - 2025 жыл;
- Өндіріс ауданында 250 адам қабылдайтын амбулаториялық-емханалық кешені салынады - 2025 жыл;
- «Нұрлы Жол» теміржол вокзалы ауданында ауысымына 500 адам қабылдайтын амбулаториялық-емханалық кешені пайдалануға беріледі - 2023 жыл;
- «Пригородный» тұрғын үй алабында бір ауысымда 150 адам қабылдайтын медициналық-санитариялық алғашқы көмек орталығының құрылысы - 2027 жыл;
- «Тельман» тұрғын үй алабында бір аусымда 500 адам қабылдайтын амбулаториялық-емханалық кешені пайдалануға беріледі - 2023 жыл;
- «Capital park» тұрғын үй кешені ауданында бір ауысымда 500 адам қабылдайтын амбулаториялық-емханалық кешені салынады - 2025 жыл;
- Жағалау-3 шағынауданы аумағында бір ауысымда 250 адам қабылдайтын амбулаториялық-емханалық кешені салынады - 2025 жыл;
- «Есіл» ауданында Қазанға 70 жыл, Сығанақ/Алматы және Ақмешіт/Сауран көшесі бойында бір ауысымда 500 адам қабылдайтын амбулаториялық-емханалық кешені салынады - 2027 жыл;
- Бейбарыс Сұлтан көшесі бойындағы «Сарыарқа» ауданында бір ауысымда 150 адам қабылдайтын амбулаториялық-емханалық кешені салынады - 2023 жыл;
- Жылына 1500 аутопсияға және 500 000 биопсиялық, операциялық материалды зерттеуге арналған патологиялық-анатомиялық бюро пайдалануға беріледі - 2023 жыл;
- Ұлттық ғылыми онкологиялық орталығы салынады - 2023 жыл;
- Ұлттық шұғыл медицинаны үйлестіру орталығы салынады - 2023 жыл;
- Ақан Сері және Еңлік-Кебек көшелерінің қиылысында 300 төсектік № 3 Көпбейінді қалалық аурухана салынады - 2026 жыл;
- Абылай хан даңғылы мен Қобда тұйық көшесінің қиылысында перинаталдық орталық салынады - 2027 жыл;
- Сарыарқа ауданында Ш. Қосшығұлұлы көшесінде 200 төсектік акушерлік блок салынады - 2027 жыл;
- № 2 Қалалық көпбейінді аурухананың акушерлік және негізгі блоктары арасында қабылдау-диагностикалық кешені салынады - 2026 жылғы желтоқсан;
- «Есіл» және «Нұра» аудандарының шекарасында оңалту блогы бар 350 төсектік № 4 Көпбейінді қалалық балалар ауруханасы салынады - 2027 жыл.
Кешенді жоспарды орындау үшін 611 млрд теңге бағытталмақ.