Семсерлесуден Қазақстанның ерлер құрамасы FIE нұсқасы бойынша әлемдік рейтингте позициясын жақсартты, деп хабарлайды El.kz ақпарат агенттігі olympic.kz-ке сілтеме жасап.
Швейцарияның Берн қаласында өткен Әлем кубогының кезеңінде қазақстандық шпагашылар сәтті өнер көрсетті. Командалық сайыста біздің құрама 35 команданың ішінен жетінші орынды иеленді.
Бұл нәтиже әлемдік топ рейтингінде жоғарылауға мүмкіндік берді. Қазақстан алтыншы орыннан төртінші орынға көтерілді.