«Қазгидромет» РМК синоптиктері 23 қарашада елдің басым бөлігінде ауа райына байланысты ескерту жасады, деп хабарлайды El.kz ақпарат агенттігі.
Жетісу облысының таулы аудандарында тұман күтіледі. Оңтүстік-батыстан жел соғады, облыстың солтүстік-шығысында 15-20, кей уақыттарда екпіні 23-28 м/с.
Маңғыстау облысының солтүстігінде қатты жауын-шашын (жаңбыр, қар) күтіледі. Солтүстік-батыстан жел соғады, түнде облыстың солтүстігінде, солтүстік-батысында, күндіз облыстың басым бөлігінде екпіні 15-20 м/с күтіледі.
Батыс Қазақстан облысының солтүстігінде, шығысында бұрқасын күтіледі. Облыстың батысында тұман күтіледі. Жел солтүстік-батыстан оңтүстік-батысқа ауысып соғады, түнде облыстың солтүстігінде, шығысында, оңтүстігінде екпіні 15-20 м/с.
Атырау облысының батысында, оңтүстігінде тұман, көктайғақ күтіледі. Солтүстік-батыстан жел соғады, түнде облыстың басым бөлігінде екпіні 15-20 м/с.
Қызылорда облысында жел оңтүстік-батыстан соғады, күші 15-20 м/с күтіледі.
Түркістан облысының таулы және тау бөктерлі аудандарында қатты жауын-шашын (жаңбыр, қар) күтіледі. Облыстың оңтүстігінде тұман.
Шымкентте 23 қарашада түнде және таңертең кей уақытта қатты жауын-шашын (көбінесе жаңбыр) күтіледі.
Павлодар облысының солтүстігінде, оңтүстігінде, шығысында көктайғақ күтіледі. Облыстың батысында, оңтүстігінде күндіз оңтүстік-батыстан жел соғады, күші 15-20, екпіні 23 м/с күтіледі.
Алматы облысының оңтүстігінде, шығысында қатты жаңбыр, облыстың таулы аудандарында кей уақытта қатты жауын-шашын (жаңбыр, қар) күтіледі. Облыстың таулы аудандарында кей уақытта тұман. Солтүстік-батыстан жел соғады, облыстың оңтүстігінде, шығысында екпіні 18-23, кей уақытта 28 м/с.
Алматыда 23 қарашада кей уақытта қатты жаңбыр, тұман күтіледі.
Қарағанды облысының шығысында көктайғақ күтіледі. Оңтүстіктен, оңтүстік-батыстан жел соғады, түнде облыстың батысында екпіні 15-20 м/с, күндіз облыстың басым бөлігінде екпіні 15-20, кей уақытта 23-28 м/с күтіледі.
Ақмола облысында көктайғақ күтіледі. Түнде және таңертең облыстың батысында, солтүстігінде тұман күтіледі.
Қостанайда көктайғақ, тұман, бұрқасын күтіледі. Оңтүстік-шығыстан, оңтүстіктен жел соғады, күші 15-20, екпіні 23 м/с.
Ұлытау облысының солтүстігінде, шығысында көктайғақ күтіледі. Оңтүстік-батыстан жел соғады, облыстың басым бөлігінде екпіні 15-20, күндіз кей уақытта 25 м/с күтіледі.
Абай облысының оңтүстігінде тұман, облыстың солтүстігінде, батысында көктайғақ күтіледі. Оңтүстік-шығыстан соғатын жел оңтүстік-батысқа ауысады, облыстың орталығында, оңтүстігінде күші 15-20 м/с, екпіні 25 м/с.
Шығыс Қазақстан облысының оңтүстігінде тұман күтіледі. Оңтүстік-шығыстан, оңтүстіктен жел соғады, облыстың солтүстігінде, оңтүстік-шығысында күші 15-20, екпіні 23 м/с.
Ақтөбе облысының оңтүстігінде, шығысында көктайғақ күтіледі, облыстың солтүстік жартысында бұрқасын күтіледі. Батыстын, оңтүстік-батыстан жел соғады, түнде 15-20, облыстың солтүстігінде кей уақыттарда 23-28 м/с, күндіз облыстың солтүстігінде, шығысында екпіні 15-20 м/с.