Шымкентте дзюдон 23 жасқа дейінгі жастар арасында Қазақстан Республикасының чемпионаты өз мәресіне жетті, деп хабарлайды El.kz ақпарат агенттігі.
Медаль саны жалпы командалық есепте Жамбыл облысының спортшылары топ жарды. Екінші орын ұлытаулықтарға бұйырса, Қызылорда спортшылары үшінші орынға қол жеткізді.
Еске салсақ, Қазақстан чемпионаты 20-21 қыркүйек күндері Шымкенттегі “Жеңіл атлетикалық манеж” спорт кешенінде өтті. Спорттық додаға Астана, Алматы және Шымкент қалалары мен еліміздің 17 облысынан 400-ден астам татами шебері қатысты.