28 маусымда «Сайран Арена» алаңында Дипломатиялық қызмет күніне орай футболдан турнир өтті, деп хабарлайды El.kz ақпарат агенттігі.
Жарысқа Сыртқы істер министрлігінің департаменттері мен ведомстволық бағынысты ұйымдарының, сондай-ақ Президент әкімшілігі, Үкімет аппараты мен Мемлекеттік қызмет істері агенттігінің құрама командалары қатысты.
СІМ аппарат басшысы Амангелді Саинов жарысты ашып, барлық ойыншыларға сәттілік тіледі.
Турнир қорытындысы бойынша бірінші орынды Үкімет аппараты, екінші орынды Мемлекеттік қызмет істері агенттігі, үшінші орынды сыртқы істер министрінің орынбасары Қ.Тумыштың құрама командасы иеленді. Сонымен қатар "Үздік ойыншы" марапатын Бақытжан Темірлан (СІМ) және "Үздік қақпашы" марапатын Жасұлан Тулаков (МҚІА) иеленді.