UFC-дегі қазақстандық спортшы Шавкат Рахмонов «Спорт Шредингера» YouTube арнасына берген сұхбатында Камар Усман – Хамзат Чимаев жекпе-жегінің жеңімпазымен кездескісі келетінін айтты, деп хабарлайды El.kz ақпарат агенттігі.
– Камар Усман – Хамзат Чимаев жекпе-жегінде кім жеңеді деп ойлайсың? Усманды тізімнен сызып тастай беруге бола ма?
– Білмеймін, бәрін жекпе-жек көрсетеді. Бәрі қай салмақта өтетініне байланысты. Мен дайынмын! Екеуінің арасында қайсысы жеңсе, сонымен шығамын! – деді Шавкат.
Шавкат Рахмонов жартылай орта салмақта алтыншы нөмірде тұр. «Номад» UFC-де бес айқас өткізіп, соның бәрінде мерзімінен бұрын жеңіске жетті.
ММА тілшісі Вэл Дьюар жасаған рейтингте 28 жастағы қазақ батыры үшінші сатыда тұр.
Өзінің бұған дейінгі айқасында америкалық Джефф Нилді жеңген болатын.